 |
 |
360يۇمشاق دېتاللىرىنىڭ ئەپ سىتوردا قارىسى يۈتتى 6-يانۋار چۈشتىن كېيىن ئالما شېركىتىنىڭ يۇمشاق دېتال سۇپىسى ئەپ سىتوردا ئېلىمىزنىڭ 360 ماركىسىدىكى بارلىق يۇمشاق دىتاللارنىڭ قارىسى يۈتۈپ كەتتى. 360 يانفۇن قوغدىغۇچىسنى ئۆز ئىچىگە ئالغان يولۋاس 360 بايرىقى ئاستىدىكى نۇرغۇن قوللىنىشچان ئەمەلىي پروگراممىلار ئەپ ستورنىڭ «پوكىيى»دىن چۈشۈرۈلدى. بۇنىڭغا قارىتا 360 شېركىتى ئالما شېركىتى بىلەن سۆھبەتلىشىۋاتقانلىقىنى بىلدۈردى. بۇ ئالما شېركىتىنىڭ ئەپ سىتوردىكى ھەر قايسى شېركەت ۋە شەخىسلەرگە بەرگەن ئەڭ ئېغىر بىر قېتىملىق جازاسى ھىسابلىنىدۇ. تورداشلارنىڭ دېيىشىچە، بۇ خىل ئاقىۋەتكە ئۇچرىغان يولۋاس 360نىڭ قوللىنىشچان ئەمەلىي پروگراممىمىلىرىدىن 360 يانفون قوغدىغۇچىسى، 360 ئېغىزچە خېتى، 360 يۇقىرى سۈزۈكلۈك تور كۆرگۈ، 360 باتارىيە دوختۇرى، 360 بىخەتەرلىك نۇسخلىغۇچى قاتارلىقلار باركەن. 360 شېركىتى دەسلەپ بۇنىڭغا قارىتا ئەپ سىتوردا 360 شېركىتىنىڭ بايرىقى ئاستىدىكى تەۋسىيە قىلىنمىغان قوللىنىشچان پروگراممىلارغا زور نىسبەتتە ياخشى باھانىڭ بېرىلگەنلىكى، تەۋسىيە قىلىنغانلىرىغا بولسا زور نىسبەتتە ناچار دىگەن باھانىڭ بېرىلگەنلىكىدىنلا بۇنىڭ رىقابەتچىلىرىنىڭ ئويناۋاتقان ئويۇنى ئىكەنلىكىنى كۆرىۋالغىلى بولىدۇ دەپ جاۋاب قايتۇرغان. جۇڭگو خەۋەرلەر تورى IT قانىلى بۇ سەۋەبلىك 360 شېركىتى بىلەن ئالاقىلاشقان. بۇنىڭغا قارىتا 360 شېركىتىدىكى ئالاقىدار خادىملار مۇنۇلارنى بىلدۈرگەن، بۇ ۋەقە يۈز بەرگەن ھامان بىز ئەڭ تېز سۈرئەتتە ئالما شېركىتى بىلەن ئالاقىلاشتۇق، ئىككى تەرەپ ھازىر سۆھبەتلىشىش باسقۇچىدا تۇرىۋاتىدۇ. سۆھبىتىمىز ئېنىق بىر جاۋابقا ئېرىشكەن ھامان جەمئىيەتكە ئېلان قىلىمىز. ئالما مەھسۇلاتلىرىنى ئىشلەتكۈچىلەرنىڭ سەۋرچانلىق بىلەن كۈتىشىنى ئۈمىد قىلىمىز.
|
